Күләш Ахметова — Шын жүректен

Көрнекті ақын, ҚР Мемлекеттік сыйлығының лауреаты Күләш Ахметованың бұл жаңа жинағының тақырыбы бұрынғы өлеңдерінің мазмұнынан өзгерек. Жинақта негізінен арнау өлеңдер топтастырылған. Кітап ұлтымыздың тарихи тұлғаларынан бастап, отбасына, дос-жаранға, ағайын-туысқа, бүгінгі күнгі қоғам қайраткерлеріне арнап жазған ақынның әр кездегі лирикалық өлең-жыр лебіздерінен тұрады. Десек те, оның бұл шығармаларында әлемдік мәселелер, заман — дәуір келбеті, ұлт мүддесі, табиғат көркі, имандылық, достық, махаббат жайлы ойлары ұдайы көрініс тауып отырады. Бұл кітап оқырманды Отанын сүюге, адамгершілікке, сыйластыққа, ізгілікке, мейірбандылыққа үндейді.