М.Әуезовтың 125ж толуына — Әуезов әлемі

«Әуезов әлемі» — ұлы қаламгердің туғанына 125 жыл толуына орай дайындалған ұжымдық жинақ. Мұхтар Омарханұлы Әуезовтің асыл мұрасына арналған танымдық кітап — «Қазақ әдебиетінің» кітапханасы» атты жаңа топтаманың тұңғыш томы. Бас әдеби басылымының беттерінде кейінгі жылдары жарық көрген түрлі мақалалар мен толғамдар, сан алуан зерттеулер мен сырлы сұхбаттар, мерейтой қарсаңында атқарылған іс-шараларға қатысты шолулар мен сирек суреттер бұл баянды жобаның мазмұнын байытып, кітаптың көркемдігін арттыра түскені анық. Біртуар суреткердің тоағдырлы туындысы «Хан Кененің» екі нұсқасының жинақ тарауларынан орын алған да талғампаз оқырманның ойынан шығарына бек сенімдіміз.